آذربایجانچی لیغین تعویض وئریلمییه جک آنا قایدالاریندان ، پرنسیبلرینده ن بیریده آذربایجان تورکلرینین ، آذربایجانلیلارین اوز پارچالانمیش میللی و تاریخی اراضیلرینین اوزون وعده لی اولاراق تیکرار بیر لشمه سینی منیمسهمک ، بو یولدا چالیشماقدیر. بوتون آذربایجان اراضیلرینده ملی منلی یی ، میللی شعور و میللی وجدانین (اوز درکین – اوز دیغونون) ، جانلانماسینا ، ملی مدنیتیمیزین ، کولتوروموزون قورونوب ساخلانیلماسینا ، آذربایجان تورکجه سین یازیب اوخونماسینا ایمکان یاراتماقدیر. بو وحدتی انکار ائدیب و بادلارین الی ایله پارچالانمیش وطنی اولدوغو کیمی قبول ائتمک ، بو آنا مسئله یه لاقئید یاناشماق ، آذربایجان میللتینه ، تاریحینه خیانت ساییلیر.
آذربایجانچی لیغین اساس قایدالاریندان بیر یده بیرلیک و قایغی کئش لیک دیر. دیلینه ، دینینه سویونا و دوغولدوغو ینره ، هانسی آذربایجان ایالتینده ن اولدوغونا باخیلمادان ، بیر میللته منسوب اولدوقلارینا اینانمالی ، بیر – بیرینین قایغی سینی چکمهلی ، دایاق دوره الی ، سئوینجینه – کده رینه شریک (اورتاق) اولمالیدیر. مستملکه چیلیک دوورونده مستملکه چیلرین یاراماق ایسته دیکلری نیفاق و آیری – دوورونده مستملکه چیلرین یاراتماق ایسته دیکلری نیفاق و آیری – سئچگین لیک تبلیغاتلاری نین تاثیرینی اوزوندهن سیلمه لیدیر. آذربایجانین بیر شهری نین او بیر شهرینه ، بیر کندی نین آیری بیر کندینه ، بیر ایالتی نین باشقا بیر ایالتینه اوستونلو یوخدور. بو شهر ، کند ایالتلرده یاشایانلارین هامیسی آذربایجان وطنداشلاری ساییلیرلار. اونلارین ایچینده اولان دیل ، لهجه ، دانیشما و گئیینیش فرقلری آنا وطنیمیزین زینتی و گوزه لیکلریدیر ، کولتور و عنعنه لریمیزین بیر حیصه سنی تشکیل ائدیر. بیر ملی ثروت اولاراق اونلاری قورویوب ساخلاماق ، هر بیر وطنداشین میللی وظیفه سیدیر. بو بیر میللتده اولان بیرلیک و بوتوولویون رمزیدیر. ائله طبیعتده ده (دوغادا) گوزه لیک چئشیتلی لیکده دیر.
هیچ نظری موجود نیست:
ارسال یک نظر