بیر تکلیف خورداد قیامین شهیدلری حقینده!

بیر تکلیف خورداد قیامین شهیدلری حقینده!

تاسوفله میللتیمزین تاریخینده، آجی گونلرین شاهیدی اولموشوق. وطنین پارچالانماسی،حاکمیتی ایتیرمه سی ، میللی حوکومتیمیزین ییخیلماسی ، دیل و مدنییت یمیزین قدغن ائدیلمه سی  کیمی تاریخی اولوشملار  میللتیمیزین اوره یینی آجیتسادا دوشدوغو بو ایشغال ـ مستعمره وضعیت یندن چیخماق یوللارینی دا آرامیشدیر. اوزونه ، وارلیغینا قاییدیش آنا هدفی اولموشدور.  اوزگه لری یوخ بو دفعه اوزونو دوشونمه یه باشلامیشدیر

بو آرایشلارین ، هئچ شبهه سیز ان اونملیلریندن بیری ، میللتیمیزین اویانیش آشاماسینی آشیب، دیره نیشه کئچتینی گوسته ره ن

۲۲ مای قیامیدیر. رئژیمین رسمی قزه ته لریندن بیری اولان ایران آدلی قزه ت ده میللتیمیزه آغزا آلینمایان سایقیسیزلیغا قارشی قهرمان خالقیمیزیم دیره نیشی ، ایرقچی رئژیملرین ایللرجه آسمیله ائتدیک لرین دوشوندوغو میللتیمیزین اوز کیملیینی صاحیب لنمه سی ( هارای-هارای من تورکم)و یوز مینلرین خیاوانلارا توکولمه لری، نتیجه  سینده ایرقچی حاکمییت دالی اوتوروب، اوزور دیله  یب و رسمی اورقانینین باغلایب و بیر نئجه سوروملونودا  یاخالادی.

او تاریخی قیامی نین اصیل معمارلاری قهرمان شهیدلریمیز و باشی دیک اسیر دوشن لریمیز و اونلارین عزیز و دوزوملی عائله لریدیر.

ائله بو نون اوچون قیامین۱۰ –جی ایل دونومونده بیر میللی وظیفه اولاراق اونلارین مزارلارینا قیرمیزی قارانفیل بوراخیب عائله لرین زیارت ائدیب و اونلارا خاطیرلاداقکی اونلاری و شهیدلری هئچ بیر زامان اونوتمادیق و اونوتمایاجایق ، اونلارین یولو بیزیم میللی قورتولوش یاواشیمیزین آماجیدیر.

بیز نه اوچون و هانسی رئژیمله ساواشیریق؟!

سون آیلاردا دیقتی چه کن مسئله لردن بیری سویداشلاریمیزین رئژیمین ،میللی حرکته قارشی یئنی اویونلارینی ، بیر ـ بیرینده ن آییرماقدا زورلوق چکدیکلری دیر. بیزجه هر بیر سیاسی حرکتده و اوزللیک له قورتولوش مجادیله ده  سینده ، بیرینجی :موباریزه نین هدف وغایه لری بللی اولمالی دیر. ایکینجیسی: او هدفه یئتیشمک ، اولاشماق اوچون کیملرله یولداشلیق و آرخاداشلیق ائدیب، و هانسی بیر رئژیمله ده موباریزه آپاردیغیمیزی بیلمه لی ییک.

هدف میز نه دیر ؟

ایران آدلانان اولکه اوچون ساواشیریق ، یوخسا گونئی آذربایجانین مستقیل لیک و آزادلیغی اوچون ؟

اگر مقصد ایران آدلانان اولکه اوچون ساواشماقدیرسا اوردا گونئی آذربایجان مسأله سینیه یئریوخدور . بونودا بیلمک لازیمدیرکی ایران دئییله ن یئرده بیرگون دئموکراسی اولاجاغینی دوشونمک آرزودان باشقا بیر شئی دئییلدیر . ایران دئییله ن یئرده دئموکراسی نین اولماسی ایمکانسیزدیر . چونکو او اولکه دئموکراسی اساسلاری اوستونده قورولمامیشدیر. و هر هانسی رئژیم حاکمییته گلیرسه ـ گه لسین بو آیری ـ سئچگین لیک دوام ائده جکدیر. بو ایشده اینشالله ـ ماشالله لا اولان ایش دئییلدیر.

اگر آذربایجانیمیزین ایستیقلالییتی مطرح دیرسه ،او زامان آذربایجانین دوشمنلرینی تانیماق لازیمدیر . اونلارلا دوشمن کیمی رفتار ائدیلمه لیدیر. بو قارشی طرف مستعمره چی ایرقچی تئهران رئژیمی دیرسه اونا ایستعمارچی کیمین یاناشیلمالیدیر. او زامان بو مستعمره دن قورتولماق اوچون قوللاریمیزی چیرمالامالی ، بو مستعمره چی رئژیمه و او اونون بوتون اورقانلارینا قارشی بیر دوشمن کیمی حرکت ائتمه لی ییک. میثال اوچون مستملکه چی ایرقچی رئژیمین باسقی اورقانلاریندان اولان بیر پاسدار شهید ساییلا بیلمه ز. مگر اینکه رئژیمده ن آیریلیب رئژیمه قارشی ساواشدا اولموش اولسون . حتا اونون بو ایشی اونون کئچمیش جینایتلرینی باغیشلاماز. هر بیر شئی یین بیر قایدا ـ قانونو واردیر. بیزه گوره بونلاری بیر ـ بیرینه قاریشدیرانلار سیاسی ساییلا بیلمه زلر . البته رئژیم منسوبلاریدا ایستیقلال مسأله سینی لوث ائتمک اوچون بوش اوتورمامیشلار. قارداشجاسینا دئسک سویداشلاریمیز اوز دانیشیقلارینی و یازیلارینی بو معیارلار اوستونده گوتور ـ قوی ائتمه لی ، سونرا فیکیرلرینی یازیب ائشییه وئرمه لیدیرلر.

ایستیقلالی الده ائتمک بو ساده لیکده دئییلدیر ، مستقیل دوشونمک ، اوزیله مستملکه چی نین یئرینی بللی ائدیب ، قوللار چیرمالانیب مئیدنا گیریلمه لیدیر. ، بو موباریزه اولوم قالیم ساواشدیر. اولمک وار , دونمک یوخدور. ساواشدان ، سیلاحدان ، اولومده ن قورخمامالی ییق .اوز کیملی یینی تاپان ، اونا اینانان بیریسی هئچ بیر شئیده ن قورخماز. اینام هر بیر سیلاحدان گوجلودور.

اشغالچی تئهران رئژیمی نین بوتون ایداره لرینده ، مولا مجلیسینده ، اوردودا ، حتا پاسدار و بسیجی لرین و سایره نین ایچینده اولان آذربایجانلیلارا گلدیکده ،بو سویداشلاریمیز اوز بورکلرینی قاباقلارینا قویوب ، قاضی ائدیب، ده رینده ن دوشونمه لیدیرلر. اونلار اوزلریده هر گون بو ایرقچی رئژیمین توهین لرینه ، تحقیرلرینه ، آلچاتمالارینا معروض قالیرلار. حتا ایش یئرینده آیری ـ سئچگینلی یی درک ائدیرلر. اونلار مستغمره چی ـ فارس ایرقچیسی اولان تئهران رئژیمینه ، اوز میللتینی ازمکده یاردیمجی اولماق یئرینه ، مستعمره چی رئژیمین علئیهینه قالخمالی، اوز میللتی نین یانیندا یئر آلمالیدیرلار. بئله اولدوقدا طبیعی دیرکی میللتیمیز اونلارا اوز قوجاغیندا یئر وئره جکدیر.

بونو رئژیم ایچینده چالیشان آذربایجانلیلار بیلمه لیدیرلرکی مستملکه چی ، ایرقچی جینایتکار تئهران رئژیمی تورک میللتیمیزه قارشی اهانتلر ـ توهین لر و آلچاتمالارلا قالماییب ، میللتیمیزی اوز اسارت زنجیرینده ساخلاماق اوچون سیزلردن یارارلانماقدادیرلار. بونلارا بویون ایمک ، بو توهین لری گورمه مزلیکده ن گلمک بیر غئیرتلی ـ شرفلی ، ناموسلو آذربایجالی اوچون یاراشان بیر ایش دئییلدیر.

 داها بوندان آرتیق اوزونوزو، میللتینیز قارشی سیندا گوناهکار دوروما سالمایین ، رئژیمین قانلی جینایتلرینه اورتاق اولمایین ، اللرینیزی گوناهسیز اینسانلارین قانینله باتیرمایین. صاباح کی خالق و وجدان محکمه لرینده اوزونوزو گوناهکار و مجکوم دوروما سالمایین.

یاشاسین آذربایجان میللتی نین میللی قورتولوش ساواشی!

                                                                                                                                  ۲۵.۰۹.۱۳۹۵

اطلاعیه

۱مهر آنادیلین قتل عام گونو

۱مهرروز قتل عام زبان مادری

دانش آموزان و دانشجویان ،معلمان واستادان آذربایجان جنوبی!

در سرزمین اشغال شده آذربایجان جنوبی ،آغاز سال تحصیلی، برخلاف کشورهای مستقل و فارس زبانان کشور جعلی ای ران ،برای ما و دیگر ملل غیر فارس ، یعنی شروع قتل عام زبان مادری و آسیمیلاسیون فرهنگی و از خود  بیگانگی.

خوشبختانه حرکت رو به رشد استقلال خواهانه ملت قهرمان آذربایجان جنوبی ودیگر ملل غیر فارس نوید بخش فصل بیداری و آغاز رهائی از چنگال رژیم اشغالگر بوده و جنایتکاران آریا پرست آرزوی آسیمیلاسیون ملل تحت ستم را به گور خواهند برد.

بر ماست که درچنین روزی یاد و خاطره شهدای دانش آموز و دانشجویان آذربایجان جنوبی را که در راه رهائی ملت و وطنشان از جان مایه گذاشتند  ، و به اشغالگران و قاتلین زبان و فرهنگمان نه گفتند و با فدای جان، مشعلهای مقاومت  بیداری ملی را روشن نگهداشته. و اجازه ندادند که آریا پرستان اشغالگر ،تورکان  آذربایجان جنوبی را به تسلیم بکشند و نابود کنند. را گرامی بداریم.

رئژیم اشغالگر و حامیان بین المللی و اپوزسیون شرمگینش با استفاده از تمامی ابزارهای ممکن طی بیش از ۳ دهه در تلاش برای سرکوب خواستهای ملی و آسیمیلاسیون فرهنگی به قصد یکسان سازی نژادی!!!در فردای ۱خرداد۱۳۸۵ با مقاومت ملت تاریخساز آذربایحان و بویژه دانش آموزان و دانشجویان مواجهه شده و فهمید که این ملت جان میدهد اما خاک و زبان هرگز!

دانش آموزان، ، دانشجویان، معلمان ، استادان آذربایجان جنوبی،

از روز نخست سال تحقیر و توهین و آسیمیلاسیون ، بخاطر حرمت و حقوق انسانی،و بنام آزادی و استقلال بپا خیزید. با استقاده از تجارب دیگر ملل تحت اشغال و نیز بکارگیری ابزار مبارزاتی منطبق با شرایط خاص آذربایجان جنوبی فضای رعب و اختناق را در مدارس و دانشگاهها و در کوچه‌ها و خیابانها در هم بشکنید.

از هر فرصت و امکانی برای دامن زدن به اعتراض اجتماعی و برهم زدن نظم ونظام رژیم جنایتکار استفاده کنید.

به اعترضات کارگران و زحمتکشان و زنان آذربایجان جنوبی که از ستم مضاعف رنج میبرند، بپیوندید.

میدان های ورزشی ،بازی تیمهای فوتبال آذربایجان جنوبی و بویژه تراختور هر چند  صحنه رویاروئی شما با مدافعان اشغالگری است، اما کافی نیست این اعتراضات را به خیابانها بکشید.

با اهانتگران در هر پست و مقامی که هستند ونیز تعرضهای ماموران  رئژیم اشغالگر مقابله کنید.

بی شک پیروزی و رهائی از آن نسلی است که آماده است بهای آزادی  و استقلالش را بپردازد

درود بر آزادی  و استقلال آذربایجان جنوبی !

سلام بر ملت قهرمان آذربایجان جنوبی!

۱۳۹۵.۰۶.۲۴



میللی حرکتده سیاسی کادر

انقلابچی اولدوغونوسویله یب ، انقلابچی کیمی داورانمایانلارسویتاریدان باشقا بیر شئی دئیل.

چه گووارا

میللی مجادیله ده ،ان اونملی سورونلاردان بیری هئچ شبهه سیز میللی کادرین یارادیلماسیدیر.آما بو مسئله نی ائله آلماق اوچون ان باشدا و هر شئی دن اول هانسی آماجا چاتماق اوچون  کادر ؟  و بو کادر هانسی وظیفه لری اوستلنمه سی ؟ سورولارینا جواب بولمالییز.

اوحالدا آچیق دانیشا بیلمک و دوغرو و اسکیک سیز آنلاشا بیلمک اوچون وظیفه و وضعییتلر ه باغلی اساس آنلایشلار.ترمینلری دوغرو اورتایا قویمامیز لازیم.

آماج گونئی آذربایجانی ، فارس ایشغالیندان قورتارماق و میللی  دولتیمیزی ، اینسان حقلری، اجتماعی عدالت آنلایشی ایله برپا ائتمک.

  بو آماجا چاتماق اوچون ، فداکار، عالیم ، بیلینجلی ، ایش بیله ن، اوزونو  سیاسی کادر کیمی گوره ن گئجه ـ گونوزونو وطنه فدا ائده ن  قیز و اوغوللارا احتیاج واردیر.

بو سیاسی کادرلارین  موباریزه ده سهوه یول وئرمه مک اوچون ، آنالیز ائتمه گوجو نه صاحیب اولوب، علمی چالیشمالاری گره کیر.بو کاراکتئرلره مالیک اولان سیاسی کادر، علاوه اولاراق بوگونکی سرعتله گلیشن(اینکیشاف ائده ن)قلوبالاشان دونیامیزدا ،کئچه ن ۵۰ ایلده کی سیاسی آنالیز، کلاسیک فلسفی و ایجتماعی بیلیملر یئترلی(کافی) ساییلمیرلار. بوگون اونلارا علاوه اولاراق بیر نئچه خاریجی دیلیه مسلط اولماقلا یاناشی، پیسیکولوژیا بیلی ینده ن ، دونیاداکی گونلوک سیاستی آنلاییب،همن آنالیز گوجونه صاحیب اولماسی زوروملو( ضروری) و گره کلیدیر. بوگونکو سیاسی کادرلارین آنا خصوصییتلریندن بیری و ان موهومی آنا وطنی و اولکه میز آذربایجانین میللی چیخار و منافعینی مادییاتا ، مقاما فدا ائتمه مه سیدیر.باشقا سوزله دئسک ساتقین اولمامالیدیر. بوتون بو دئییله نلری ۱۲ نقظه ده آچیقلاماق مومکوندور.                                                                      

۱ـ میللی کادر ایلک اولاراق ، کلاسیک سیاسی ، فلسفی و تاریخی بیلی یه مسلط اولمالی، چونکی  بوتون آنالیز لرینده تمل بیلگینین اولماماسی اونو سهولره و یالنیش نتیجه لر آلماسینا سبب اولور.

۲ـ تئمل سیاسی ، تاریخی و... بیلی یه مسلط اولدوقدان سونرا،دونیا دوزه نینی کیملر و نه اوچون قوردوقلارینی ، گونئی آذربایجان میللی منافع آچیسیندان آنالیز آئدیب ، اونلارین بولگه میزده کی و اوزه للیک ایله اولکه میزده کی پیلانلارینی آنلاماق و آنلاماقدان سونرا نه شکیلده ته رسینه چئویرمه نین یوللارینی بولمالیدیر.

۳ـ دونیامیزداکی اولوب بیتن لری گونده لیک غزئت لردن، ده رگیلردن(مجله) کیتاب  ائلئکترونیک بیلگی  ایله تیم  قایناقلاریندان(رادییو ـ تئلویزییا ـ اینتئرنئت " بیلگی سایار")و باشقا اینفورماسییالار مرکزلریندن آلیب،بونلارین آناوطنیمیز آذربایجانین سیاسی و ایقتیصادی چیخارلاری آچیسیندان منفی و مثبت  تاثیرلرینی دوزگون ده یه رلندیره بیلمه سی سیاسی کادرلارین بیلی ییندن آسیلیدیر. بونو گوره بیلمک اوچون سیاسی کادر هرگون بیل یینی ، ایله تیم بیلگیسینی( انفورماسییاسینی) آرتیریب ، تازالامالیدیر ،

  ۴ـ عمومی و توپلومسال( ایجتماعی) پیسیکولوژییادان خبردار اولوب، اوز چیخیشلاریندا ،موناسیبتلرینده بو بیلی یین ( علمین) آنا شرطلرینی رعایت ائتمه لی، مسئله لره دویقوسالیقلا یوخ، منطیقله یاناشمالی،داورانیش و حرکتلری نین اینسانلارین اوزه رینده قیسا و اوزون وعده لی تاثیرلرینی نظره آلمالی ، آغیر ـ مسئله لره تمکینلی یاناشاراق ، قارشی طرفین ائحترامین دا قازانمیش اولور.

۵ـ اوز میللتی نین تاریخیندن ، میللی عنعنه لریندن و گله نک لریندن خبردار اولوب ،اونلاری قورویوب، ساخلاماسینا، گلیشمه سینه بئین الخالق ایجتماعیت طرفینده تانینماسینا چالیشمالیدیر.

۶ـ.طبیعی اولاراق سیاسی کادر عمومی و هر کس اسله پایلاشیلان بیلگی لرین یانیندا ، چوخ اوستونده دانیشیلمییاجاق مسئله لردن خبردار اولمالیدیر. آمما اوزون و قیسا وعده لی  اولکه نین و توپلومون منافعینی و سیاسی، ایجتماعی و ایقتیصادی چیخارلارینی دوشونه ره ک بونلارین حاقیندا دانیشمامالیدیر.سیاسی کادربن ان موهوم آناخصوصیتلریندن بیری آغزی بوتونلویودور.   

۷ـ داخیلی و خاریجی کونفرانسیلاردا و هر هانسی بیر سیاسی چیخیشلاردا ، مربوط اولان موضوع حاقدا هر چئشید اینفورماسییا ـ معلوماتی قاباقجادان الده ائدیب، هر جهتلی  حاضیرلیقلی اولمالاری گره کیر. مسئله لره منطقی و علمی یاناشیلمالی، سندلره دایانیلمالیدیر.دویقوسالیقدان اوزاق قیسا و اینفورماتیک اولمالیدیر. بونودوشونمه لیدیرلرکی حرکت ـ رفتارلاری، اوزلرینی آپاریشلاری و چیخیشلاری اونلارین یالنیز اوزلرینی یوخ ، گونئی آذربایجانی و میللی حرکتی تمثیل ائدیر.

 ۸ـ سیاسی کادرلار اخلاقی جهتدن میللتینه بیر نمونه(اورنک) اولوب، اوز دولت و میللتینه باغلی شخصیلر اولمالیدیرلار. داخیلی و خاریجی ییغینجاقلاردا،جشن لرده و مراسیملرده و قوناقلیقلاردا اوز گئیینیش و گئیینیشلرینه و دانیشیقلارینا چوخلو دیقت ائدیب اوزلرینی یوخ میللتلرینین آعتبارینی دوشونمه لدیرلر. 

٩ـ سیاسی کادرلارین ان باشدا گه لن وظیفه لریندن بیری اوز میللتی نین و اولکه سی نین هر ساحه ده میللی منافع و چیخارلارینی قوروماغی باجارماق، و هئچ بیر گوزه شته گئتمه مک و گئتمه یه ایجازه وئرمه مکدیر. دئموکراسی، اینسان حاقلاری نین مودافغه چسی اولماقلا یاناشی ، اولکه سینه و میللتینه قارشی یونه  له جک هر هانسی بیر تهلوکه نین قارشی سیندا آنا وطنین توپراق بوتونلویونو و سرحدلرینی مودافعه ائتمه یه حاضیر اولمالیدیر. دوست لارین ،دوشمنلرین توپلانتیلاریندا اوزونو نزاکتله آپارماقلا یاناشی،چوخ جیدی شکیلده میلتی نین حاقلارینی مودافعه ائتمه یی باجارمالیدیر.              

۱۰ـ سیاسی کادرلار یوخسوللوغو(پولسوز و پاراسیزلیغی)،دوسداق، شیکنجه و اعدامی وطن و میللتی نین طالعی اوچون طبیعی قبول ائتمه لی ، پول ـ پارا ، مقام ـ میز و عنوان اونو توتدوغو میللت و وطن یولوندان آییرا بیلمه مه لیدیر. چونکی دوشمنلر،اوزلرینی میللتیمیزه دوست گوسترمه یه چالیشانلار اوز مقصدلرینه اولاشماق اوچون سوزو گئده ن ایمکانلاریندان یارارلانیرلار.                     

۱۱ـ سیاسی کادرلارین ایدولوژیک باخیمدان ثابیتلی یی اولمالیدیر. بو سیاسی ثابیت لیک دوگما( فاناتیک ـ فوندانتالیست) اولماقلا هئچ بیر خلاقه سی یوخدور. مقصد سیاسی کادرین گونده بیر هاوا چالماماسیدیر. چونکی میللت و چئشیدلی سیاسی رقیبلرین و سیاسی کادلارین دانیشیق  و داورانیشلارینی(حرکتلری) گوزده ن قاچیرمیر. توپلومدا و اولکه خاریجینده بونلار ده یه رلندیریلیر، بوشخصلر و اولکه حاقدا مثبت یاخود منفی قضاوت ائدیرلر.بو او دئمکدیرکی ، سیاسی کادرین ایدولوژیک ثابیت لی یی بین الخالق سوییه ده اوستونده حئساب ائدیله جک سیاسی شخصییت کیمی تانینماسی ایله یاناشی، میللت و اولکه سی نینده بوشقابا قویولاجاق بیرمیللت و اولکه سوییه سینده گوتور ـ قوی ائدیلیر.

 ۱۲ ـ گونئی آذربایجانداکی سیاسی کادرلاریمیز یالنیز آذربایجانین بوگونکو مستملکه دوروموندان قورتولماسی یوللارینی آختارماقلا قالماییب ، آنا وطنیمیز آذربایجانین گله جه یی اوچونده اوزلرینی حاضیرلاییب، اولکه میزین مستملکه دن سونرا دیرچه لیشینی دوشونوب، میللتیمیزین رفاه و آساییش ایچینده یاشاماسی اوچونده چاره یوللارینی آختارمالیدیرلار.بو ساحه لرده ایجرا اولاجاق ایش دوزه نلری( پروگراملار) حاضیرلامالیدیرلار.بیر تک سوزله دئسک آذربایحان سیاسی کادرلاری نین بوینونا آغیر وظیفه لر دوشمکده دیر. اولکه میزین  گله جه یینین  نه شکیلده گلیشمه سی ـ اینکیشافی سیاسی کادرلاریمیزدان آسیلیدیر

موباریزه و سیاسی دوسداقلی لیق (زیندانی(

بیر سیاسی موبارز اوچون زندان امتحان ( سناو=امتحان) مرحله سی ساییلا بیله ر. یعنی ان آغیر شرط لر آلتیندا اوز یولونا اولان اینانج و عشقی گوستره بیلمه ایمکانی تاپیر،باش وئرمه یه حاضیر اولوب ، سیر وئرمک ایسته میر..!

آنجاق دورت دووار ایچینده ساواشچی نین دوزوملولوغو ، روحی دورومو و صبری بللی اولموش اولور.

دوشمن دوسداغیندا اسیر دوشموش بیریسی بونو بیلمه لیدیرکی ، او دوسداق اوزوده بیر ساواش مئیدانیدیر. ساواش مئیدانیندا اولدوغو کیمی دوشمنله ساواش حالینده دیر. دوشمنین الینه دوشدویونه گوره، دوشمن بو فورصتده ن یارارلانیب، بوتون ایمکانلاری ایله اونون دیره نیش گوجونو قیرماغا، و اینانجینی سارسیدیب روحو باخیمدان ، اوستونده تاثیر قویوب، اونو ازمه یه چالیشیر. ایشکنجه دن مقصد ده ائله دوسداقداکی نین اراده سینی قیرماقدیر. او آندا دوشمنین قارشی سیندا، ان بویوک سیلاح، ایراده دیر. یعنی دوشمنه قارشی ایراده سیلاحیندان فایدالانماق , دوشمنی سارسیتماق، اوندا اوزونه ـ ایشینه شوبهه یاراتماقدیر. بو شکیلده زیندان ساواشیندا باشاریلی اولان دوسداغا دوشن اولور.

اونوتدماماق لازیمدیرکی ،ماهیر ایشکنجه جی دوسداقلی نین دیری قالماسینی ایسته ر. چونکی ایشکنجه دن مقصد بیلگی الده ائتمکدیر. البته کی ، ایشغالچی رئژیمین ایشکنجه متتودلاری چوخ چئشیدلی دیر( چوخ نوع لیدیر) ، اما هر حال و کاردا اینانج ، عشق و امید اولان زندانی نین دیره نمه سی، موقاویمت گوسترمه سی رئژیمین جلادالارینا میدان اوخوماق معناسینا گه لیر. اونلاری دیزه چوکدوره ن آمیللردیر.

بو یازیدا دیره نمه نین ( موقاویمت ین ) بعضی یوللارین گوتورـ قوی ائتمک ایسته ردیک .

۱ـ هر بیر زندانی نین ایلک دوشوندوغو شئی اونون یاخالانماسینی سبب لریدیر. هانسی سهولره یول وئدییی نی دوشونمکدیر. ایکینجیسی اوز دوستلارینی تشکیلاتینی دوشمنه تانیتماماق ، اونلارین یاخلانمالارینا مانع اولماقدیر.

۲ـایلک ایمکان لاری داخیلینده ، چوخ دیقتلی اولاراق، دوسداغین ائشی یی ایله ارتباط قورماقدیر.

۳ـ دوسداغین ایچینده بئله اوز تشکیلاتی نین امنیتی دوشونمک ، مطلقا شکیلده گیزلی لیک قایدالارینی قوروماق، باشقا محبوسلارا اوز فعالیتلری حقینده بیلگی وئرمه مکدیر. چونکی دوشمن ، یعنی رئژیمه منسوب شخصیلرده زیندانی آدیله اورادا اولا بیلیرلر. سوروشدوورما و ایشکنجه ایله مومکون اولمایان معلوماتی بو شکیلده دوسداقلی دان آلماغا چالیشیرلار.

۴ـ گوروله جک ایشلرده ن بیریده ایشکنجه ائدنلرین حقینده بیلگی لر توپلاماق ، اونلارین کیملیکلرینی تثبیت ائتمک ، محبوسلارین سایسی بیلمک، قوروجولارین ایمکانلارینی و سایی لارینی و.... ییغیب ، بو بیلگیلری دوسداق خاریجینه چاتدیرماقدیر..

۵ـدوسداغین قوروجولاریلا بحث ائدیلمه مه لیدیر. ، و ساده جه زیندانی نین حاقیندا رئژیم، یئترلی میقداردا بیلگی الده ائدیب، بو بیلگیلر اساسیندا رئژیم طرفیندن محکوم ائدیلدیکده ن سونرا ، لازیم گوردوکده ، یئری گلدیکده اونلارا یواش یواش اوز یولو و دوشنجه لری حاقیندا دانیشیب ، اونلارین اوستونده تاٍثیر قویماغا چالیشار. اونودمامالیک کی، اونلار زیندانینی ،رئژیم دوشمنی ، بولوجو ، وطن خائنی و...بیلیرلر،و حقیقتی آنلامالاری اوچون چوخلو زامان و بیلگی لازیمدیر.

۶ـرئژیم سیاسی محبوسلاری آلچاتماق و روحی ضربه لر وورماق اوچون، اونلاری عادی محبوسلارین قووشونا( بند) آتار، آمما اونودماماق لازیمدیرکی ، اوردا اولانلارین چوخو راسیت سیستمیم قورربانلاری دیرلار و بیز اوز فیکریمیزی اونلار ایله پایلاشا بیلیرسک ، هم احترام قازانیب و همده اونلارین ایمکانلاریندان میللی موباریزه اوچون فایذالانا بیله ریک.

۷ـزنداندا بوش واختلاری پیلانلی بیر شکیلده دولدوران ایش دوزه نی ( برنامه) حاضیرلاماق لازیمدیر. ، (ایدمان ـ ورزش) چوخ موهومدور. هم روحیه نی دیری ساخلار ، همده جسمیی سالام توتار، مطلق سیستملی بیر شکیلده آراسی گسیلمه دن اوخوماق لازیمدیر. باشقا دوستلارایله بیرلیکده گروپ حالینده اولورسا داها فایدالیدیر.

۸ـزندانلارین ان بویوک زورلوقلاریندان ـ چتین لیلرینده ن بیری ده تک لیغا غلبه چالماقدیر. خصوصیله بو .بو تک هوجره(انفرادی) ده ساخلانانلار اوچون بویوک اهمییت داشیماقدادیر. ، عمومی قووشلار( بندلرده ) اولانلار اوچونده کئچه رلی ساییلا بیله ر. بونا گوره ده، پیلان توکمک گره کیر.تک لیکده اولان مجادیله نین ایکی یولو وار: :ایچسل و دیش سل، ایچسل: ایچیمیزده اوزوموزو آیری فیکیرلرله مشغول ائدیب ، زیندان اوچون آز دوشونمکدیر ، بونون اوچون ایمکان اولورسا کیتاب اوخوماق ، بو مومکون اولمازسا، اجتماعی ، سیاسی ، فلسفی دوشونجه لری، بو حاقده شخصی فیکیری گوتور ـ قوی ائتمک داها الوئریشلی دیر. یا خود کئچمیشده کی خاطیره لری جانلاندیریب ، ازبریمیز اولدوغو شعرلری ، ترانه لری ترنم ائتمک ، اینسانی راحاتلادا بیله ر. دیش سل : مقصد ، فیکیری و جیسمی باخیمندان ساغلام فعالیتلردیر ، و اونلارین باشیندا ایدمان گئلیر.

۹ـایشکنجه چیلر و زیندان قوروجولاری نین تهدید و شانتاژلاریندان اصلا قورخماماق لازیمدیر. اونلارین زیندانی یه قارشی تهدید و شانتاژلاری اونلارین حقارت دویقولاریندان واوزلرینی آشاغی گورمه کومپلکسلریندن( خود کم بینی) دوغان بیر داورانیشددیر

۱۰ـایشکجه چیلرین بیر آیری ایشلری ایسه زندانیلارین آراسینا سیزدیردیکلاری آداملاری واسیطه سی ایله امیدسیزلیگی یایماق و عین زاماندا یالان خبرلر یایاراق محبوسلارین رئاکسیالارین گوروب و اونلاردان بیلگی الده ائتمکدیر ،هم شاهین ساواکی و هم رئژیمین اطلاعاتی حتی قه زت (روزنامه) لرده بیله یالان خبر یایاراق زیندانیلاری شاش –باش ائتمه یه چالیشیرلار.

۱۱ـباشاردیغینیز قدر دیره نین و بونا اینانین کی سیزلرین هر دقیقه دیره نمه نیز اونلارین پیسیکولوژولارین بوزوپ و اونلاری یورور، بونو بیلمه لییزکی اونلارین ایشکنجه وتهدیدلری بیزیم دیره نیشیمیزی قیرماغ اوچوندور، و اگر بیزیم ایراده نی بو یول ایله قیرامادیق لارینی اوره نیرسه لر ، زور ی بوراخیب ، آیری مئتودلاری ده نه رلر.

۱۲ـزندان بیر میللی فعال و دیره نیشچی اوچون باشدادا قئید ائتدیگیمیز کیمی بیر سناودیر ، وساده جه یولوموزا سونسوز اینانماق و عشق ایله و البته گئله جه یه امید ایله چاغ دیشی ایشکنجه لره و زندانین آغیر و دایانیلماز شرطلرینه دوزمک اولور.

یاشاسین باشی دیک سیاسی محبوسلاریمیز!

مدنی موباریزه هانسی محیطده مومکوندور؟

میللی حاقلار و مدنی موباریزه

بولوم۲

یوخاریدا دئوموکراتیک اولکه لرله ، ایران دئییله ن یئره حاکیم که سیله ن جینایتکار ، ایرقچی رئژیمله موقاییسه ائتدیکده بویوک وده رین بیر اوچوروم مووجودور. . آن گونجل مسأله لردن بیری غرب اولکه لره گه لن قاچقین و سورگون و سیاسی اینسانلارلا، اونلارین کولتور ومدنییت لرینه یاناشما طرزیدیر. حتا آلمان مکتب لرینده بیر میللته خاص اولان اویرنجی سایی سی ۱۰ نفری کئچیرسه او اوشاقلار اوچون اولکه نین رسمی دیلی یانیندا اوز آنا دیللرینی اوخویوب اویره نمه حاقی قازانیرلار. یالنیز بو نوقطه نی ایران دئییله ن یئرله موقاییسه ائتدیکده قاباریق بیر فرقله قارشیلاشیریق. بو اولکه ده آزلیق دا اولان فارس خالقی نین دیلی بو اولکه ده ایندیلیک یاشاماق زوروندا اولان میللتلره تحمیل ائدیلمکده دیر . اونلارین دیللری و مدنییت لری یاساقلانمیش ، فارس خالقی نین ایچینده اریتمه یه چالیشیلیر،حتا یالانچی یازیلمیش تاریخلری خالقین خوردونا وئرمه یه جهد ائدیرلر. بیر تک سوزله دئسک بو ایرقچی دیکتاتور رئژیم اولکه نین اکثر ساکینینه نه حورمت قویور ، نه ده وطنداش تانیر،حتا خمینی نین یئرینده اوتوران خامنه ای اوزلری نین تعیین ائتدیی سوزده میللت وکیللرینه دئییر کی سیز اوز خالقلارینیزین بو ساحه ده آنا یاسادا اولان ایستکلرینه قولاق وئرمه مه نیز لازیمدیر چونکی او زامان ایران پارچالانار. یعنی مستعمره میزده اولان خالقلارین ایستکلرینه گئدیلیرسه او زامان مستعمره لریمیزی ایتیرمیش اولاریق. ائله بو ذئهنیت اساسیندا بو میللتلر اوزلری وآیدینلاری باسقی و تئرور، ایشکنجه و دوسداق و اعداملارا معروض قالماقدادیرلار.

جهالت آتینا مینه ن بئله جینایتکار ، دیکتاتور و. ایرقچی بیر رئژیم کی مدنییت ین ایینی بئله آلمامیشدیر، نئجه مدنی دیلده دانیشیب ، اوندان تانیمادیغی حاقلاری طلب ائتمک اوالار؟ بو میر غضبده ن باش کسمه مه سینی ایستمک کیمی بیر شئی دیر.اوزونو آلداتماق ، رویالاردا یاشاماق بئله مدنییت سیزلردن غرب مدنییتی توقع سونده بولونماقدیر. بئله بیر شئی بو اولکه نین رئالیقلاریندان اوزاق بیر شئی دیرفارس ایرقیچیلاری هانسی قوماشدان اولوب ، هر هانسی پالتاردادا اولسالار بونو قبول ائده جک کاراکتئرده دئییلدیرلر. نئجه کئچمیش یوگوسلاوییادا سئربلر بونا حاضیر دئییل ایدیلر. ! . . . . .  دوامی وار

مدنی موباریزه هانسی محیطده مومکوندور؟

بولوم ۱

 توپلومسال حیاتدا مدنی اولماق ، مدنی دوشونمک ، مدنی حرکت ائتمک آن ایده‌آل یاشام طرزیدیر ،دئموکراتیک توپلومون خصوصییتلرینده ن  ساییلیر. دئموکراتیک اولکه لرین اوزلرینی مدنی آپارمالاری بو توپلوملارین دئموکراتیک سیاسی دوزه نینده ن ، وحقوق دولتی نین وارلیغی ایله علاقه داردیر. چونکی بو اولکه لرده یاسالارا دایانان بیر نظم ـ اینتیظام  موجودور. یعنی حقوق دولتی حاکیمدیر.بو اولکه لرین حاکمییت لری خالق طرفینده ن سئچیلیر قانون و میللت قارشی سیندا مسئولیت داشیییرلار. اونلارین وظیفه لری  مقام، پول و قوهوم بازلیق یوخ ، اوز میللتلری نین  و اولکه لری نین داهادا  گلیشمه سی ، گله جه یی و خالقین ریفاهی اوچوندور. اولکه ده دولت ایشچیلری میللت ایشچیسی ساییلیرلار.چونکو اونلارین آیلیقلاری( امک ـ حقوقلاری ) میللتین وئردی یی وئرگیلردن تأمین ائدیلیر. یعنی دولتله ،میللت آراسیندا بویوک بیرتضاد موجود دئییلدیر. حتا اولکه داخیلینده فعالیت گوستره ن فیرقه لر، اولکه لری نین منافعی اورتایا گلدیکده بیرلیکده حرکت ائدیب ، بیر آغیزدان دانیشیرلار. طبیعی اولاراق اولکه وطنداشلاری اولکه یاسالارینا حورمتله یاناشاراق اوز اعتیراضلارینی قانونلار چرچیوه سینده مدنی شکیلده حیاتا کئچیریرلر. پولیس ده اونلاری قوروماق مجبورییتینده دیر ،عین زاماندا بو اولکه لرده  یاشایان اهالی  بو اولکه نین  وطنداشلاریدیرلار. بو اولکه  اوز اولکه لریدیر.  مستعمره ده  یاد حاکمیتی آلتیندا یاشامیرلار.

ایران دئییله ن اولکه یه گلدیکده بو اولکه نی هئچ بیر ساحه ده ،بئله دئموکراتیک اولکه لرله موقایسه ائدیلمه سی ایمکانسیزدیر. ایلک اولاراق بو اولکه ده دیکتاتور ، جینایتکار، فوندامنتالیست ـ ایرقچی بیر رئژیم حاکیمدیر.  بو حاکمییت بو اولکه ده یاشاماق مجبورییتینده اولان خالقلارین حقیقی تمثیلچیسی دئییلدیر. عکسینه بو میللتلرین دوشمنی ساییلیر. بو جنابلار اولکه نی شخصی مالیکانه لری ساییب ، بوتون اولکه گلیرلرینی  اوز گلیرلری حئساب ائدیرلر اونلاردان بو حاقدا سورغو حساب سوراجاق بیر اورقان موجود دئییلدیر. مادام العمرده اعدام و ایشکنجه ایله حاکمییتده قالماق ایسته ییرلر .سوزده آپاریلان سئچگی لرینده ، هئچ بیر قانونی کئچرلی یی یوخدور. چونکی سئچگیلر آزاد و دئموکراتیک قایدا ـ قانونلار اساسیندا  آپاریلمیر. آنجاق اونلارین ایسته دیکلری شخصلر سئچگیلره بوراخیلیرلار. . اولکه ده فعالیت گوستره ن هئچ بیر فیرقه یوخدور. بونا ایجازه وئریلمیر. مطبوعات ، رادییو ـ تئلویزییون و مطبوعات ایسه بو جینایتکار ـ ایرقچی رئژیمین کونترولو آلتیندادیر. اونلارین ایجازه سی اولمادان نه یازیلیر ، نه دئییلیر، نه ده گوسته ریلیر. چوخ دانیشان اولدورولور، دوسداق وایشکنجه ائولرینه گونده ریلیر. .اوسته لیک بو اولکه ده اعتیراض ، اوزونده ن مودافعه حاقی یوخدور.چونکو وطنداشلارین حقوقی حاقی یوخدور. دیوان ائولریده  ، محکمه لرده  رئژیمین کونترولو آلتیندادیر. وبوروغو ایله حرکت ائدیرلر.   بو اولکه ده اعدام ائتمک ، آدام اولدورمک سو ایچیم قده ر راحاتدیر. بو ساحه ده دونیادا بیرینجی ساییلیر.  رئژیم اوز موخا لیف لرینی بو وباشقا شکیللرده یوخ ائمکده دیر. پولیس ، پاسدار، بسیجی ، امنیت تشکیلاتلاری  و رئژیمه قوللوقچولوق ائده ن خبرچین لر میللتین جانینی شیشه یه توتماقدادیرلار.  بیر تک سوزله دئسک  ایران دئییله ن یئر بیر بویوک ایشکنجه ائوی و دوسداقدیر . بئله بیر زیندان دا  دئموکراتیک  اولکه لرده  اولدوغو کیمی  نئجه  دییه رلر مدنی  موباریزه  و اعتیراضدان سوز گئده بیلمه ز، بئله بیر ایدعا   آلداتیجی بیر فیکیردیر. ساده لوح لوق دیر. چونکی تئهرانین جینایتکار ، فوندامنتالیست  ایرقچی رئژیمین  حاکیم اولدوغو بیر محیط ده  اونون ایدئولوژیک ، گوروشلری چرچیوه سینده حرکت ائتمک لازیمدیر. بودا دیکتاتور جینایتکار رئژیمین وارلیغینی  قانونی قبول ائتمک ، اونا بویون ایمک دئمکدیر.  بونا گوره ده  موباریزه نین آیری مئتودلاریندان یارارلانماق لازیمدیر.         داوامی وار.

روحانی آذربایجانا نییه گه لیر؟!

حورمتلی وطنداشلار ، ده یه رلی میللت چیلر!

آلینان بیلگی لره گوره روحانی  آذربایجان شهری اولان اورومییه یه گلمک  ایسته ییر. چونکی « اورومییه یه گه لیر!» دئمک  سوزو اوزلویونده ایرقچی لیق . مستملکه چیلیک سیاستی ایچتن لی یینی ( ماهییتینی)  داشیماقدادیر. چونکی اورومییه  صاحیب سیز دئییلدیر. اورا ایشغال اولونموش آذربایجان اراضی سی نین بیر  شهریدیر. اینگیلیسلرین الی ایله، حاکمییت تورکلرین الینده ن آلینیب،  فارسلارا وئریلدیکده ن اعتباره ن ، تورکه ضید ـ آذربایجانا ضید بیر سیاست اویقولانماقدادیر( ایجرا ائدیمکده دیر) . بو ایستعماری سیاست نتیجه سینده دیکتاتور شاه دورونده  آذربایجان شهر وایالتلری  ( اراک، ساوا، قزوین ، زنگان ، همدان ، بیجار ..) آیریب فارس ایالتلری ایله بیرلشدیریلیب، یا « اوستان !؟» آدی قویدولار. بئله لیکله بو آذربایجان ایالتلرینده و شهرلرینده یاشایان آذربایجانلی لارین آذربایجانلی لیق و تورکلوک هووییتی اللرینده ن آلیب ، دانماغا ، اونودولوب یوخ ائدیلمه یه ، فارسلاشدیرماغا چالیشدبلار.

غرب طرفینده ن شاهین یئرینه گتیریله ن حاضیرکی رئژیمده،  او سیاستی داها رادیکال شکیلده حیاتا گئچیرمه یه باشلادی، انزه لی ، آستارانی  آذربایجاندان آییردیلار و حتا اردبیله ده  اوستان  آدی تاخماغا قالخدیلار. بو ایرقچی جینایتکار رئژیم بیر آدد یم داها ایرلی قویاراق ، آذرایجاندا خالقلار آراسی ایختیلاف یاراتماق مقصدیله  کوردلری آذربایجانا یئرلشدیرمه یه  باشلاییب ، شهر ، کند وقصبه لرین  میللی منسوبییتی نی ، هوویت نی  بیر ـ بیرینه وورماغا چالیشیب و چالیشیرلار.

 کورد رادیکال گوروپلارینی  حمایت ائدیرلر. بو ایستعماری سیاست نتیجه سینده آذربایجاندا بیرکورد پروبلمی یاراتماقلا،  ایستیقلالیت داواسینی اونوتدورماق ایسته ییرلر حتا مولا پالتاریندا اولان اینگیلیس شئیطانی ، جینایتکارایرقچی ، مستعمره چی  رئژیم باشچی سی نین  آذربایجانین خصوصیله اورومییه شهرینه گلمه سی   بو ایختیلافی کوروکله مک  اوچوندور. سوزده سئچگیلرده اولان باشارییا بیر جواب دیر. حتا بو گلیش ده ن سونرا  سویوق بولاغی ( مهاباد) اوستان ائدیب کوردلره باغیشلاماق نقشه سیده حیاتا کئچیریله بیله ر.

میللتچیلریمیز هئچ بونونا قارشی قویما یوللارینی دوشونموشلر ، یوخسا بیر نئچه اعتیراض لا  یینه اوتوروب باخماغی می دوشونورلر؟!

آییلمالی ییق اوزوموزه گلمه لی ییک ، حاضیرلیقلی اولمالی ییق .تهران بیزیم  دوشنونیمیزدیر.  دوشمن راحات  اوتورمامیشدیر. و اوتورمییاجاقدیر.اوز مستعمره چیلیک  سیاستینی ، اوز ایچینده اریتمه سیاستینی یوردورمکده دیر.

 میللت چیلریمیز ، غئیرتلی آذربایجانلی وطنپرورلریمیز ، هامی میز بیرلیکده  روحانی نی « مستعمره چی لره آذربایجاندا یئر یوخدور! کیمی شعارلارلا قارشی لاماق،

حتا  رئژیمین آنلایاجاغی دیلده قارشی قویماق یئرینه ،  غئیر جیدی مسئله لرله مشغول اولمالاری  رئژیمین سیاستینه خیدمت ساییلمازمی ؟!

بیزه گوره میللی حرکتین ایچینده  بیر عده  ایمامزادادان معجوزه اومانلار واردیر . یعنی بو ایستعمارچی ، مستملکه چی  رئژیم له مدنی یوللا حاقلارینی آلماغی دوشونورلر. آمما اونلار اونودولارکی، دونیانین هئچ بیر یئرینده مستعمره چیلر اوز مستعمره لرینده  اولانلارا ،گوله ـ گوله آزادلیق وئریب ، چیخیب گئتمه میشلر. قالسین کی  ، فارس ایرقچیلغینا دایانان قوندامنتالیست و تئروچو رئژیمده ن بئله بیر توقع ده بولونماق ، گولونج و رویالرده ده اولمایان بیر توفع دور.

اوزونو و خالقینی آلداتماق ، میللتینه خیانت ، مستعمره حیاتیمی اوزاتماق ، میللی منلی یین یوخ اولماسینا یاردیم دئمکدیر.

 میللی حرکتیمیزده اولانلار ، توتدوغو یولا اینانالار تفروعاتلا  مشغول اولمامالی ، حقیقی موباریزه و موجادیله یوللارینی

سئچمه لی ، خالقیمیزی بو یولدا سفربر ائتمه لیدیرلر.  خصوصیله  بوتون ایمکانلاریلا روحانی نین  آذربایجانین  مقدس بیر

پارچاسی اولان « اورومییه  شهرینه یوخ  » آذربایجانا گلمه سینه،  تزه نیفاق توخوملاری اکمه سینه ایجازه وئریلمه مه لیدیر.

اورومییه آذربایچاندیر ، اوریی قاندیر. یولو عیاندیر!

اورومییه گولونو قوردونلارا،  مسعمره چیلره  ، ایشغالچیلارا اورومییه ده یئر یوخدور!

وطن ـ وطن دئییب ، اونا جان وئرمه لی ییک ،  اوغروندا مال ـ ثروت قان وئرمه لی ییک

اورومییه سئچگی لرینده ن آلینان درس

ایران دئییله ن یئرده موجود رئژیمه عایید ایکینجی دووره سئچگی لر حیاتا کئچیریلمیشدیر. بو سئچگی لر حقیقی سئچگی لر اولماسادا آذربایجان اوچون بویوک اهمییت داشیماقدا ایدی. چونکی کوردلرین رادیکال  گوروپلاری  اورومییه  و اونون اطرافی نین کورد توپراغی اولدوغونو  بئین الخالق ایجتماعییت ده تبلیغ  ائتمکده، بویوک کوردوستان  خاریتاسینا سندیت وئرمک  ایسته ییرلر.  اونلار بو بولگه ده  تئهرانین ایرقچی ، ضید ایسلامی رئژیمی نین یاردیمی ایله سوزده  کورد نوماینده لرینی سئچمه یه چالیشیردیلار. خوشبخت لیکده ن گونئی آذربایجان میللی حرکتی ، آذربایجانچی میللت چیلریمیز .مسئله نین اهمییتینی ده رک ائده ره ک بو منطقه نین سئچگی لرینده ایشتیراک ائده ره ک  کوردلرین و رئژیمین  پروگرامینی بیر ـ بیرینه وورماغی باجارمیشدیر.

بیز بو باشارینی مثبت ده یه رلندیریب  بو حرکتی تایید ائدیر، اومید ائدیریک کی ، بونا اوخشار حرکتلر  گونئی آذربایجانین گونئی شهر و ایالتلرینده  او جومله دن بیجار، اراک، قزوین ، ساوا ، همدان و انزه لی ده ده حیاتا کئچیرمه یی باجارسینلار. و بئله لیکله  تئهران رئژیمی نین پارچالا حاکمیت  ائت ، فارسلاشدیر سیاستینی پوچا چیخارسینلار. باشقا سوزله  دئسک آذربایجان میللی حرکتی مسئله لره دویغوسالیق لا یوخ،  سویوق قانلیلیقلا یاناشمالی ، آذربایجانیمیزین اوزون و قیسا وعده لی چیخارلاری آچیسیندان حرکت ائتمه لیدیر.آذربایجانا خاص موباریزه یوللارینی سئچمه لیدیر. مستعمره حیاتینا سون قویماق،  بونون و یا اونون اولگوسو ایله مومکون دئییلدیر. حتا قوزئی آذربایجانیمیزین و قونشوموز تورکیه نین اولگولریده  گونئی آذربایجانیمیزین رئالیقلاریلا ، بوگونکو شراییطی ایله اویاجاق اولگولر دئییلدیرلر. میللی قورتولوش موباریزه میزین  اوزونه خاص اولگوسو اولمالی، حتا  مسالمت یولا ، اولمایاجاق  یولاریدا   دوشونوب ، گونده لیک موباریزه یه  تطبیق ائدیب  ، پارالئل حیاتا کئچیریلمه لیدیر.  اوزون سوزون قیساسی  آذربایجانچیلیق ایدولوژیسینه اینانان و میللتچی لیق دوشونجه نی  منیمسه ین مسئولییتلی  شخصیلریمیز و قوروملاریمیز اوزون وعده لی پروگراملا مسئله له ره یاناشمالی ، اورومییه سئچگی لرینده اولدوغو کیمی  شراییطه گوره حرکت ائتمه لیدیر.

ایرقچی تئهران رئژیمی نین بولوجو ، پارچالاییجی  و ایختیلاف سالیجی  جهدلری نظره آلیناراق،  موجود بیرلی ییمیزی داهادا گوجلندیرمه لی ییک . چونکی بیرلیکده ن قدرت دوغار.  سلیقه فرقیلیک لری بیزی آییرمامالیدیر. چونکو دئموکراسی نین اساس پایالاریندان بیری  فیکیرلرین چئشیدلی اولماسیندادیر. چئشیدلی فیکیرلرین چاقیشماسیندان دا یئنی فیکیرلر دوغار. آمما بو چوخ گوروشلولوکده ن دوشمنین میللی حرکتین علئیهینه یارارلانماسینا ایجازه وئریلمه مه لیدیر.  عین زاماندا بو چوخ گوروشلولوک سیراوی وطنداشلارین آراسیندا ایختیلافا،  سورتوشمه لره  ، سبب اولمامالیدیر.  طبیعی اولاراق مستقیللیک ده ن سونرا  چئشیدلی فیرقه لرین ( پارتیلارین ـ حزب لرین )قورولوب  آذربایجانیمیزین گوجلنمه سی ، میللتیمیزین  ریفاهی یولوندا چالیشاجاقلاری  چوخ طبیعی دیر. بو فیرقه لر بیر ـ بیرلریله  رقابت ائتسه لرده، بو رقابت   دوشمنچیلیک معناسی داشیمیر. حتا او دووره ده ده  بیر ـ بیرلریله امکداشلیق ائتمه یی باجارمالی ، بئله لیکله خالقین آراسیندا ایکی تیره لیک  سالماغا  ایجازه وئریلمه مه لیدیرلر. بوتون دئموکراتیک اولکه لرده  حاکمییت ده اولوب ، یاخود اولمایان فیرقه لر  بیر ـ بیرلیله امکداشلیق ائتدیکلری کیمی،  اولکه لری نین میللی منافعی  مطرح اولدوقدا  هامیسی بیر آغیزدان  دانیشیب  بیرلیکده حرکت ائدیرلر.اورومییه ، ماکی خوی ، سلماس ، سویوق بولاق و ...کیمی  میللی مسئله لریمیزده  بیر آغیزدان دانیشیب ، بیرلیکده  حرکت  ائتمه میز بیزیم یئتیشگن لی ییمیزین گوسترگه سی  دیر. دوشمن بوش اوتورمامیش ، اونون  پرووکاسییونلارینا حاضیرلیغیمیز اولمالیدیر.